రానా కవితలు 4 పరంబ్రహ్మ

 

రానా కవితలు 4 పరంబ్రహ్మ 

విశ్వం లేని శివం లేదు 

శివం లేని జీవం లేదు 

జీవం లేని ప్రాణి లేదు 

జీవం కానీ ప్రాణం లేదు

ప్రాణం లేని మనుగడ లేదు

మనుగడ లేని విశ్వం లేదు 

విశ్వం లేక బ్రహ్మసృష్టియే లేదు 

సర్వం అవ్యయం

సర్వం అనంతం 

సర్వం శివమయం !!!

వాయువు నీలో చలనశక్తి, ప్రాణశక్తులుగా 

పృద్వి నీలో  శరీరక్షేత్రంగా 

అగ్ని 🔥 నీలో తేజస్సు, ఓజస్సులుగా 

జలం 🚰నీలో స్వచ్ఛభరిత జీవధారగా 

ఆకాశతత్వమే నీలో శ్రవణ👂, గాత్రలుగా 

పంచభూతాత్మ స్వరూపంగా 

సర్వం జీవమయం

సర్వం శక్తిమయం 

సర్వం చైతన్య మయం 

సర్వం శివమయం!!!

నీలో,నాలో,మనందరిలో 

సృష్టిలో సకల జీవరాశిలో

🪐అఖండమండలాకారం లో 

విశ్వంలో శుద్ధ చైతన్యశక్తి ⚡️ గా 

విద్వత్ శక్తిగా 

సకల చరాచరజగత్తులో 

సర్వత్రావిస్తరించిన 

అప్రమేయుడుగా 

అవ్యయుడుగా 

ఆ విశ్వంభరుడుని 

జీవశక్తిగా, 

సకలసృష్టిలో 

పరంబ్రహ్మ బింబరూపంలో సమదర్శనమే 

పరమేశ్వరుడికి 

సమర్పించే  అనన్య భక్తి పూర్వక 

కుసుమాంజలి 

🙏🙏🙏🙏

ధ్యాన మాలిక జూలై 26 సంచికలో ప్రచురితమైనది 

రానా కవితలు 3 వదిలేయండి

 

రానా కవితలు 3 వదిలేయండి!!!

వదిలేయండి!!!

కడిగేయాలి 

మీ కాలికి అంటిన మురికిని 

లేదా అది మీ ఇంటిని మురికి మయం చేస్తుంది

అలాగే 

వదిలివేయాలి

మీ 

కోపాలు,తాపాలు

పగలు,ప్రతీకారాలు

కుట్రలు,కుతంత్రాలు

వెతలు, వేదనలు

కలహాలు,కలతలు

వాంఛలు,వంచనలు

పంతాలు,పట్టింపులు

ఉద్వేగాలు,ఉద్విగ్నాలు 

అసూయ,ద్వేషాలు

మోహాలు,విరహాలు

కోరికలు,భేషజాలు

ఇష్టాలు,అయిష్టాలు

బంధాలు,అనుభందాలు

ఎందుకు అంటే 

చివరికి ఇవి ఏవి మిగలవు!

మన ఈ ప్రయాణం చిన్నది!

ప్రతి వెలుగు చీకటిలోనే ముగుస్తుంది!

ఈ చిరు ప్రయాణమే

చింతలు లేని ప్రయాణంగా

ఆనందహేళగా కొనసాగాలి

అందుకే 

వదలివేయకండి 

ధర్మరక్షణే మొక్కవోనిదీక్షగా 

కష్టసుఖాలలో మనోస్థైర్యం

గెలుపు 🥇 ఓటమి 😡 లలో చెదరని విశ్వాసం 

ప్రలోభాలకు లొంగని దృఢత్వం

లాభనష్టాలలో సడలని అపరిగ్రహం

జయాపజయాలలో నిర్వికారభావన 

పరమాత్మ యందు అంకితభావం

ప్రత్యగాత్మ యందు సడలనిదీక్ష 

అప్రమేయుడి యందు సమర్పణభావం

సర్వేశ్వరుని యందు అనన్యభక్తి 

విశ్వంభరుడి యందు అనన్యచింతన

సకలసృష్టిలో విధాత అక్షయస్వరూపం

ఇవే మీ తోడునీడ అయితే 

జీవితం శాంతిభరితం 

మనస్సు ఆనందభరితం 

హృదయం వికసిత ప్రేమమయ కరుణారసభరితం 

అవుతుంది, వెరసి 

ప్రశాంతభరిత జీవనపయనం

రానా కవితలు 2 ప్రత్యగాత్మ

రానా కవితలు 2 ప్రత్యగాత్మ

వినువీధిలో

స్వేచ్చగా విహరించే విహంగ పరిజ్ఞానం 

🐦‍⬛విహంగాలకు ఎవరు నేర్పించారు ? 

చెట్లమీద  🕊️గూడు ఓ అద్భుత ఆవిష్కరణగా 

నిర్మించే ఇంజనీరింగ్ జ్ఞానం దానికి ఎవరిద్వారా వచ్చింది? 

ఎంత సుదూరప్రయాణం చేసినా 

తిరిగి తనగూటికే చేరే జీపీఎస్ జ్ఞానం 

ఈ విహంగాలకు ఎక్కడినుంచి, ఎలా వచ్చింది?

మట్టిలో విత్తిన విత్తనం 🌱మొలకగా 

అంకురించే పరిజ్ఞానం దానికి ఎక్కడినుంచి వచ్చింది? 

వెలుతురునే తినేటువంటి 

జ్ఞానం వాటి 🌿ఆకులకు ఏలా వచ్చింది? 

జాబిల్లి వెలుగులలో మొగ్గ 

పూవులా 🌺పరిమళించే వికసితజ్ఞానం వాటికి ఏలా వచ్చింది? 

మోడువారిన చెట్టుకు 🪾తిరిగి చిగురించే  జీవజ్ఞానం,

నీటి అలభ్యతను ఎదిరించి కొనసాగించే జీవనగమనజ్ఞానం 

ఎడారి🌵 మొక్కలకు ఎవరు, ఎప్పడు నేర్పించారు? 

సాలీడు 🕷️తనకు మాత్రమే పేటెంట్ హక్కు కలిగిన

సాలెగూడు 🕸️నిర్మాణాత్మకప్రజ్ఞ దానికి ఏలా వచ్చింది? 

🐝 తేటికి మకరందసేకరణ సామర్ధ్యం 

తేనపట్టు నిర్మాణప్రజ్ఞ ఎక్కడినుంచి వచ్చింది? 

🐜చీమకి వాల్మీకం నిర్మాణ ప్రతిభ,

ఆహారజాడలను గుర్తించి స్నేహితచీమలకు కమ్యూనికేట్ చేసే శక్తి ఎవరిచ్చారు?

భూకంపాలను, ప్రకృతి విపత్తులను 

వాతావరణమార్పులను ముందుగానే పసిగట్టే విశేషజ్ఞానం 

జంతువులకు, పక్షులకు ఎక్కడినుంచి, ఎలా వచ్చింది?

లైఫ్ జాకెట్ లేకుండానే నీటిలో సదా విహరించే 

జీవశాస్త్ర కళ 🦈మీనంకి  ఎక్కడినుంచి వచ్చింది? 

కళ్లుమూయకనే నిద్రించే కళ 🐟మత్స్యానికి ఏలా వచ్చింది?

నీటిని ప్రాణశక్తిగా మార్చుకొనే జీవకళ🐠 ఝషముకే సొంతం ఏలా అయ్యింది?

కొంకర్లుపోయే విపరీతచలిలో 

ఆచ్ఛాదనరహిత జీవనపయనం,

మంచుగడ్డ కట్టే చలిలో ఆహారలేమిని,

శిశిరనిద్రని కొనసాగించే 

అతీంద్రియశక్తి నాగసాధువులకి  ఏలా వచ్చింది? ఎక్కడినుంచి వచ్చింది?

సకల జీవరాశులలో 

ఈ  విశేషపరిజ్ఞానం,

చైతన్యరూపంగా,

ప్రాణధారణగా,

ప్రాణశక్తిగా,

ప్రత్యగాత్మ

ప్రాణులలో పురుడుపోసుకుంది!!

 

రానా కవితలు 1 విశ్వంభర

 రానా కవితలు 1 విశ్వంభర

అరుణ కాంతుల సొగసులను 

స్వాగతిస్తూ 

ఉషోదయ వేళల్లో 

వికసించే 🪻పూబాలలనడుగు 

పూదోట వెదజల్లే పరిమళాలనడుగు

మలయమారుతాలతో పరవశించే కొండగాలినడుగు

పూతోటలోని🐝 తేటి నడుగు 

ఈ తుషారబిందువుల🫧 సొగసులు నీకెక్కడివి అని 

అంకురించిన 🌱 మొలకనడుగు

కుహు కుహూ రాగాల కోకిలనడుగు

పక్షుల కిలకిల రావాలనడుగు

🦋సీతాకోకచిలుకగా మారిన 🐛 గొంగళిపురుగునడుగు

పురివిప్పిన🦚 నాట్యమయూరిని నడుగు

చెంగు చెంగున ఎగిరే జింక పిల్లలనడుగు

గల గల పారే సెలయేళ్లలో

తమ సొగసులతో ఆకట్టుకునే 🦢రాజహంసలనడుగు

పుడమి తల్లిని దైవంగా భావించే కృషీవలుడిని నడుగు

తన స్వేదాన్ని తర్పణంగా సమర్పించే అన్నదాత నడుగు

సుప్రభాతసేవలో తరిస్తున్న 🧘‍♂️యోగులనడుగు

ఏ కుంచెతో ఈ నింగికి సప్తవర్ణాలు అద్దినది ఎవరు?

ఇంకెవరు 

ప్రకృతి లోని అందాలలో, ఆనందాలలో 

నీ లోన, బయట

అటు,ఇటు, ఎటు చూసినా 

సర్వత్రా, సర్వంగా విస్తరించివున్న 

ఆ అప్రమేయుడే 

విశ్వంభరుడు 

మీ 

RaNa 

9900022729

ధ్యాన మాలిక మార్చ్ 26 సంచికలో ప్రచురితం 

పిల్లలలో మానశిక ఒత్తిడి

పిల్లలలో మానశిక ఒత్తిడి

మనలో చాలమంది చిన్నపిల్లకి మానశిక ఒత్తిడులా, అవి ఎందుకు వుంటాయి...! వాళ్లకి ఏమి ప్రాబ్లంలు/ సమస్యలు వుంటాయి.. అనే భావనలో వుంటాం…!! నిజానికి ఇవి మనందరిలో వయస్సుతో సంభందం లేకుండా వుండనే వుంటాయి.. తల్లి గర్భంలోవుండే శిశువుకి కూడా ఇవి వుంటాయి అన్నది మన వుహలకి అందని యదార్ధం... లౌడ్ మ్యూజిక్, వింతశబ్ధాలకి , పిడుగుపాటి శబ్ధాలకి గర్భస్థ శిశువు వులికిపడడం  చాలామంది తల్లులకు అనుభవమే..! అందుకే వినసొంపైన, లయబద్దమైన, శ్రావ్యమైన , ఆహ్లదభరితమైన వీనులవిందైన సంగీతాన్నే తల్లిగా మీరు ఆస్వాదించాలి. 

మీచిన్నారి ప్రవర్తనలో వచ్చే మార్పులు, చేర్పులని సునిశతంగాగమనిస్తూ వుండడం తల్లితండ్రులుగా మీ కనీసభాద్యత , ఇది ప్రధానం అన్నది తప్పక గుర్తించాలి.. అప్పుడుమాత్రమే అది వాళ్ల ఆలన,పాలనలకి చక్కటి ఆలంబన అవుతుంది.

మీ చిన్నారి గత కొంతకాలం నుంచి తరచుగా మూడీగా , ఒంటరిగా, పరధ్యానం, ఇరిటేషన్ లతో వుంటే వాడు మానశికఒత్తిడిలో వున్నట్లే. వారి ప్రవర్తనలలోని  మార్పులని ఇలా గమనించవచ్చు..

• స్కూల్ కి వెళ్లడానికి అయిష్టంగా వుండడం
• ఫ్రెండ్స్ తో కలసి ఆటపాటలకి కలసి ఆడుకోవడానికి ఇష్టపడక పోవడం
• అడిగినవాటికి  సమధానం ఇవ్వకపోవడం
• తరచుగా గట్టిగా, అరచినట్లుగా మాట్లడడం
• కోపంగా సమాధానం ఇవ్వడం
• ఒంటరిగా వుండడానికి ఇష్టపడడం
• అందరితో కలసి మెలసి వుండకపోవడం

ఇలా బిహెవ్ చెయడానికి ప్రధానకారణాలుగా వీటిని చెప్పుకోవచ్చు 

• పిల్లల ముందే తరచుగా మీరు గట్టిగా అరచుకోవడం, కీచులాడుకోవడం, వాదులాడుకోవడం  వారిలో ఇన్సెక్యురిటీగా ఫీల్ కావడానికి కారణం అవుతారు. ఈ విషయాన్ని వాళ్లు వ్యక్తీకరించలేక పొవచ్చు, కాని ఆభద్రతా భావానలకి గురవుతారు... అందుకే పిల్లల ముందు అలా ఎప్పటికి ప్రవర్తించకపోవడం  అభిలషణీయం అని గుర్తెరిగి హుందాగా, సరదాగా నడచుకోవడంద్వార వారిలోని ఆభద్రతా భావనలని దూరంచేస్తాయి…

మీలోని కోపావేశాలని పిల్లల ముందు ఎప్పుడు ప్రదర్శించకపోవడం అనేవివేకవంతమైన మార్పుని మీ జీవనవిధానంలోనికి మనస్పూర్తీగా స్వాగతించాలి.  

• సాంఘిక పరమైన సమస్యలు, ఆర్ధిక పరమైన సమస్యలని వారి ముందు చర్చించకండి. అది వారిని ఆందోళనలకి గురిచేస్తాయి.

• కారణాలు ఏవైన పిల్లలు తల్లితండ్రులలో  ఒక్కరి దగ్గరమాత్రమే వుండడం సహజంగా వారిని తీవ్ర అసంతృప్తికి  గురిచేస్తాయి. ఆవి సహేతుకమైన కారణాలు మీకు కావచ్చు కాని అవి ఆ చిన్నారి మనస్సుకి సాంత్వనని ఏమాత్రం తీసుకరాలేవు..

• క్లాస్ లో చెప్పే పాఠాలు సరిగా అర్ధం చేసుకోకపోవడం, ఇది ప్రధానంగా క్లాస్ రూం లో మాట్లాడే భాష డిఫరెంట్ గా  వుండి ఫాలోకాలేకపోవడం. అది వారి మానశిక స్థైర్యాన్ని దెబ్బతీసి తీవ్ర ఒత్తిడికి గురిచేస్తూ నిరాశని తీసుకవస్తుంది.

• స్కూల్లో ఎవరైన వారితో మిస్ బిహేవ్ చేయడం లేక ఆటలలో దూరంగా వుంచడం వారిని  ఆత్మన్యూనత పరిస్తితులలోనికి తీసుక వెళ్తాయి. ఒంటరి తనానికి దగ్గర చేస్తుంది.

ప్రతిరోజు స్కూల్ నుంచి వచ్చాక వారితో ప్రేమగా ఆ రోజు క్లాస్ విషయాలని, చెప్పిన పాఠాలని గురించి స్వేచ్చగా మాట్లాడే అవకాశాన్ని ఇవ్వాలి. వాటిని శ్రద్దగా వినండి. వారికి వుండే  చిన్నపాటి ఇబ్బందులని ఫ్రీ గా చెప్పనీయండి.  ఆ ఇబ్బందులని అధిగమించడానికి మేము ఉన్నాం అనే భరోసా ఇవ్వండి.

వారి హోంవర్క్ లో మీ చేయూత తప్పనిసరి. చేసేసిన హోంవర్క్ కి అభినందించండి. మీ పనులని పక్కనవుంచి డైలీప్రోగ్రస్ ని సునిశితంగా గమనిస్తువుండాలి. వారిలోని బెరుకుతనాన్ని దూరంచేయడానికి మీ వంతు సహకారం తప్పనిసరి.

తోటి మిత్రులతో  ఆడుకోవడానికి వారిని ఎంకరెజ్ చేయండి. ప్రతి రోజు వాళ్లతో కలసి ఆడుకొనేట్లుగా చూడండి.

తరుచుగా వారి క్లాస్ టీచర్ తో మాట్లాడండి.  మీ వాడి చదవులో  ప్రోగ్రస్ ని గురించి వారితో చర్చించాలి క్లాస్ లో వాడి ప్రవర్తనని గురించి ఆరా తీయండి. అవసరమైతే వారి అబిప్రాయాలని, సలహాలని సూచనలని తీసుకోవాలి. గురువుగా మీవాడిని గురించి వారి ఒపినియన్ చాల ముఖ్యమైనది అని గుర్తించి ప్రవర్తించండి.

ఎవరైన మిస్ బిహేవ్ చేసినట్లుగా లేక ఆటలలో దూరంగా వుంచడం మీదృష్టికి వస్తే తప్పకుండా క్లాస్ టీచర్ దృష్టికి తీసుకవెళ్లాలి. దిద్దుబాటు చర్యలని తీసుకోవాలి.

స్కూల్ ఎక్టివిటీస్ లో మీ వాడు తప్పక పాల్గొనేవిధంగా ప్రొత్సహించాలి.

స్కూల్ వాతవరణం వారికి సన్నిహితంగా వుండేట్లు చూసే భాద్యత మీది మరియు స్ఖుల్ యజమాన్యానిది. అందుకనే తరుచు వారితో మాట్లాడడం ఎన్ని పనులున్న వాటిని పక్కనవుంచి , పేరేంట్స్ డే కి విధిగా అటెండ్ కావాలి.

పిల్లల్ని కోపం చేయడం మీ ప్రేమలో ఓ భాగంగా మీ అలవాటు అయితే  మీరు ముందుగా మారాలి. ఆ ఆలోచన సరి అయినది కాదు. వారికి మీ ఆంతర్యం తెలుసుకొనే శక్తి వుండకపోవచ్చు, మానశికంగా ఒత్తిడికి గురి అవుతారు.  వారు తమ మనస్సుల్లో తమని చిన్నబుచ్చుకుంటారు. అది వారి మానశికవికాసాన్ని ప్రభావితంచేస్తుంది. అందుకనే పిల్లలతో ఎప్పుడూ ప్రేమగా వుండాలి.

రోజు నిర్ణిత సమయానికి వారిని నిద్రకి ఉపక్రమించేలా చేయాలి. వారికి మీ అనురాగాన్ని పంచుతూ దగ్గరిగా తీసుకోవడం, హత్తుకోవడం ద్వార  రక్షణ భావాన్ని కలుగచేస్తూ ప్రతిరోజు స్పూర్తీధాయకమైన ఓ మంచి నీతి కధని వారి మనస్సుకు హత్తుకునేట్లుగా  చెప్తు    వారిని నిద్రపుచ్చాలి. అది చక్కటి నిద్రకి ప్రేరణ అవుతుంది, మానశిక ఒత్తిడులని దూరం చేస్తుంది.

పాశ్చాత్య పోకడలకు దూరంగా వారిని మీదగ్గరిగా మీతో పాటు పడుకోనియ్యాలి. నిద్రకి ఉపక్రమించినాక వారిని వారికి కేటాయించిన బెడ్ కి మార్చుకొండి. విడిగా వుంచడంతో కొన్నిమార్లు వారు ఒత్తిడికి దగ్గరయ్యే అవకాశం వుండి. అందుకని మీ విగ్నతని ప్రదర్సించాలి.

ఆహార సంభందిత విషయాలలో కొన్ని మెళుకవలని ఇలా పాటించండి.

• ఆహారాలు తత్వగుణాన్ని పెంపొందించేవిగా వుండాలి. తేలికగా జీర్ణమయ్యే పండ్లు, కూరగాయలని విరివిగా తీసుకొనేట్లుగా చుడాలి
• పాలు,  డ్రైనట్సు తేనెలని విరివిగా/రెగ్యులర్గా ఇవ్వాలి. అవి మనస్సుని రిలాక్స్ గా వుంచే సమికృత ఆహరాలు  అవుతాయి .
• చిప్స్, కూల్ డ్రింక్స్, బర్గర్లు, పిజ్జ, కేక్సు, ఫాస్ట్రీస్, సమోస, బజ్జి, బేకరి ప్రాడక్ట్స్ తమోగుణాన్ని పెంచుతాయి, అదనపు కేలరిలని వృద్ది చేస్తాయి, ఒబెసిటికి కారకాలు అవుతాయి. అందుకని వాటిని ఇవ్వడంలో తగు జాగ్రత్తలు తీసుకోవాలి.
• తమో గుణాన్ని కలిగిన ఆహారాలు మనస్సుకి ఇరిటేషన్ కలిగిస్తాయి అందుకని వాటిని వాడకపోవడం మీ చిన్నారి భవిష్యత్తు దృష్ట్యా శ్రేయస్కరం.   

 

జాతి రత్నాలు

  

మంచి తండ్రి దగ్గర పెరిగిన ఓ ఆడపిల్లకి మగవారిని గౌరవించడం బాగా తెలుస్తుంది

మంచి తల్లి దగ్గర పెరిగిన ఓ మగపిల్లాడికి ఓ మహిళను ఏలా గౌరవించాలో , ప్రేమించాలో బాగా తెలుస్తుంది

ఏదైన అది మన పెంపకంలోనే ఉంటుంది

అదే ఆదర్శసమాజ నిర్మణానికి మొదటి అడుగు అవుతుంది.

 పొత్తిళ్లలోని పాపాయికి మాతృస్తన్యం దేవుడు ప్రసాదించిన ఆమూల్య కానుక. ఆ దైవప్రసాదాన్ని తనివిదీర రోజూ త్రాగనీయండి.  అది తల్లి శిశు అనుభందాలని మమేకంచేస్తూ అనిర్వచనీయ అనుభూతులకి దగ్గరచేస్తూంది. పెరిగేపాపాయికి ఈ స్తన్యం అమృతధార అవుతుంది. తల్లిపాలు పాపాయికి ఎదుగుదలకి కావలసిన పోషకాలను అందజేస్తూ ఆరోగ్యవంతమైన జీవనానికి నాంది అవుతుంది. ఇతర సమీకృత ఆహరాలను బేబికి స్తన్యం అందించినంతవరకి అందచేయవలిసిన అవసరం ఏమాత్రం లేదు. 

బేబికి ఆరుమాసాలు నిండినతరువాత నెమ్మదిగా ఘనఆహరాలను పరిచయం చేయాలి.

• మార్కెట్లలో దొరికే బేబిఫుడ్’ని వాడనవసరంలేదు. మీ ఇంట్లోనే బేబికి కావలసిన ఆహరాన్నిసంప్రదాయక పద్దతిలో తయారుచేసి  మీ ప్రేమతో రంగరించి అందించండి. భెబిఫుడ్’లో రుచికోసం ఉప్పు,కారాలు,మసాలాలని కలపకండి. అలాగే చక్కరకి ప్రత్యామ్నంగా తేనేని కలిపి ఇవ్వాలి.
• పెరిగే పాపాయి అన్ని రుచులని ఆస్వాదిస్తుంది అయితే ఐస్ క్రీం, కేక్ , పిజ్జా , బర్గర్లు ,కూల్ డ్రింకులకి  వీలైనంత దూరంగా వుంచడం వారి ఆరోగ్య పరిరక్షణలో కీలకం అని గుర్తించండి. అందులోని ఎంఫ్టి కెలరీలు ఒబెసిటిని పెంచడానికి మాత్రమే ఉపయొగపడుతాయి!!
• ఫుడ్ ఫీడింగ్ విషయంలో వారి ఆభిరుచులకి ప్రాధాన్యత ఇవ్వాలి.
• చిన్నారికి ఎంత ఇష్టపడుతుందో అంతే ఫీడ్ చేయండి. అంతేగాని క్లీన్ ప్లేట్  కావాలి అని ఒత్తిడి ఎంతమాత్రం చేయకండి. మరింతగా ఫీడ్ తీసుకోవాలని  వారికి టివి, స్మార్ట్’ఫోన్  ప్రోగ్రాం’లని ఆశ పెట్టకండి. ఒబెసిటికి అది మరో అడుగు అవుతుంది !!!
• రోజూ నిర్దేశిత సమయాల్లోనే నాలుగు లేక ఐదు దఫాలుగా వారి అభిమతం మేరకు ఆహరం ఇవ్వాలి. ప్రతి ఫీడింగ్ కి కనీసం మూడు గంటలు గాప్ ఇవ్వాలి. అది మెటబాలిజ క్రియని తేజోవంతం చేస్తుంది. వారి టమ్మీ సున్నితమైనది అందుకే తేలికగా జీర్ణమయ్యే సాత్వికాహారాలనే ఇవ్వాలి.

ఆహరం తీసుకునే విషయంలో మీ మితిమీరినప్రేమతో వారిని బలవంతం చేయకండి. ఓవర్ ఫీడింగ్ వారి పెరుగుదలపై ప్రతికూల ప్ర భావాన్ని చూపుతుంది.

• పిల్లలకి కావలసింది మీ ముద్దుమురిపాలు, ప్రేమ ఆప్యాయతలే...వాటినే పంచండి!  
• వారిని టివి, స్మార్ట్’ఫోన్  ప్రోగ్రాం’లతో గిఫ్ట్ లతో, బొమ్మలతో మచ్చిక చేసుకోవచ్చు అని భావించకండి!!  
• తల్లివడిని మించిన సౌఖ్యం ఏ గిఫ్ట్ కూడ వారికి ఇవ్వదు!  
• పిల్లలతో సరదగా గడపడానికి ప్రతిరోజు సమయం కేటాయించాలి. వారితో సన్నిహితంగా గడపండి. సరదాగా నవ్వుతు, హగ్ చేసుకుంటూ పలకరించాలి.
• విధిగా రోజూ వారిని తోటివారితో నిర్ణిత సమయాలలో కలసి మెలసి వుండేట్లుగా ఆటలు ఆడుకోనివ్వాలి. వారితో ఎలా ఆడుతున్నారో గమనించండి. ఆటలలో ఎలా ప్రవర్తించకూడదో నేర్పించండి. ఋజుప్రవర్తనకి, సఖ్యతకి  మొదటి ఆడుగులు సక్రమగావుండెట్లు జాగ్రత్థ తీసుకోవలసిన అవసరాన్ని ఆర్ధం అయ్యేలా నేర్పించండి. ఇతరులతో ఆటపాటలలో పోల్చి చిన్నబుచ్చకండి.
• వారి  భాల్యాన్ని  మధురానుభూతులతో ఆస్వాదింపచేయనియండి. అవే ప్రేమాంకురాలుగా వారి మదిలో వెళ్లివిరవాడానికి దోహదం అవుతాయి.

పిల్లల ముందు తరచుగా కీచులాడుకోవడం వారిలో ఆభద్రతాభావాన్ని తీసుకువస్తుంది. వారి ముందు హుందాగా ప్రవర్తించాలి మీ కోపావేశాలు, పరస్పర నిందారోపణలు చేసుకోవద్దు. అవి వారి సున్నిత మనస్తత్వాన్ని ప్రభావితం చెస్తాయి. మీ మధ్య వుండే పరస్పర గౌరవమే చిన్నారికి మీరు అందజేసే అపురూప వారసత్వం.

నాన్నగా వాళ్ల అమ్మకి అనురాగాన్ని, ఆప్యాయతలని మాత్రమే పంచాలి. మీ పిల్లలు మిమ్మలనే అనుకరిస్తారు అన్నది గుర్తుంచుకొని ప్రవర్తనని సరిదిద్దుకోవలసిన భాధ్యత తల్లిదండ్రులదే.. పిల్లలు మీరు ఎలా వుంటారో వారు అలాగే  పెరుగుతారు  అందుకని వారి ప్రవర్తన  ఎలావుండాలని మీరు అభిలషిస్తారో  ఆవిధంగా మీరు మారాలి.

• మీ ఆలోచనలని, అబిప్రాయాలని బలవంతంగా వారిపై రుద్దకండి!  
• వారి ఆలోచనలని, భావనలని, అభిప్రాయాలని, స్వేచ్చగావ్యక్తికరించనియ్యాలి..
• వారి  వ్యక్తిత్వాన్ని గమనించి ఆ దశలో ప్రోత్సహించాలి.
• వారిలోని సృజనాత్మకతని నిశితంగా గమనించాలి
• మీ చిన్నారిలోని అంతర్గత ప్రతిభని గుర్తించండి.. ఆ ప్రతిభకి మెరుగులు దిద్దే ప్రయత్నం చేయండి. ఆ దిశలో శిక్షణ ఇప్పించాలి
• లలతకళలలని ఆభ్యసించడానికి ప్రోత్సహించండి. నాట్యం, చిత్రలేఖనం, యోగ, చెస్, సంగితకళలలో ఆసక్తిని పెంపొదించే దిశలో ప్రోత్సహించండి. స్విమ్మింగ్ క్లాసుల్లో  చేర్పించండి. మన ఆచార వ్యవహరాలశైలికి ప్రాధాన్యత ఇవ్వండి. ఆ దిశలో మొదటి అడుగులు పడనీయండి.

వారి ప్రవర్తన ఎలా వుండాలో అన్న విషయంలో మీకు పూర్తిగా క్లారిటి వుండాలి. వారి ప్రవర్తనలో మీకు నచ్చని విషయాలని వారికి సున్నితంగా తెలియజేయడమే గాకుండ అది ఎలా వుండాలో వారి మనస్సుకి హత్తుకునేలా తెలియజేయవలసిన భాద్యత మీదే!! వారి ప్రవర్తనలో  తప్పొపులను సునిశితంగా గమనించాలి. వారి తప్పులని సున్నితంగా చూపించండి. అలా ఎందుకు చేయరాదో, ఎలా చేయాలో వారికి తిరిగి అర్ధం అయ్యేలా తెలియచేయాలి. అదే పొరపాట్లు  తిరిగిచేయనివ్వకండి. అవే తప్పులని పదేపదే చేస్తుంటే చూసిచుడనట్లుగా వదలివేయకుండా చక్కటి క్రమశిక్షణని అమలుచేస్తూ సహనంతో సరిదిద్దాలి. క్రమశిక్షణని అమలు చేసే విషయంలో పిల్లలముండు మీరు ఎప్పుడు ఆర్గ్యుమెంట్లు చేసుకోకండి.  ప్రవర్తనని సరిదిద్దడంలో మీలో ఏకాభిప్రాయం తప్పనిసరి. మీరు అమలు చేయలేని ఆర్డర్లు, క్రమశిక్షణని పిల్లలకి ఇవ్వకండి. క్రమశ్క్షణ పేరుతో కఠినంగా శిక్షించకండి. ఒక తప్పుకి ఒక పనిష్మెంట్ ఒక మంచి పనికి ఒక రివార్డ్’ నే ఇవ్వాలి. ఇవ్వబడే పనిష్మెంట్ మీ చిన్నారిని భయభ్రాంతులకి గురిచేసెట్లుగా అసలు వుండరాదు. ఇచ్చే రివార్డ్ స్పుర్తిదాయకంగా వుండాలి.

భవిష్యత్తులో జాతిరత్నంగా తీర్చిదిద్దడానికి  ఇపుడే శ్రీకారం చుట్టాలి.

పెంచడం అమ్మే అయినా బాధ్యతాయుతంగా పెంచడం నాన్న బాధ్యతే!!

సేవచేయడం అమ్మవంతు మరి సరిచేయటం నాన్నవంతు !!

కనిపించే ఆరాటం అమ్మది, కనిపించని పోరటమే నాన్నది !!!

అమ్మ మీ రక్తం అయితే నాన్న మీ హృదయం !!!