జీవితం
జీవితంలో బంధాలు
కొన్ని వస్తుంటే మధురంగా ఉంటాయి
కొన్ని వెళ్తుంటే మధురంగా ఉంటాయి
కొన్ని వృద్ధి చెందుతువుంటే మధురంగా ఉంటాయి
కొన్ని తరిగిపోతుంటేనే మధురంగా ఉంటాయి
కొన్ని వదలుకోకపోతే మధురంగా ఉంటాయి
కొన్ని వదులుకుంటే మధురంగా ఉంటాయి
కొన్ని బంధాలు అప్రియ మవుతాయి
కొన్ని అప్రియ బంధాలు మధురం మవుతాయి
బంధాలు పుట్టుక్కుమనడానికి ఒక్క క్షణం చాలు
కాని నిలుపుకోవడానికి ఓ జీవితకాలం కావాలి
ఈ బంధాలు తాత్కాలికం అని గ్రహించడమే విజ్ఞత!!!
జీవితంలో అవకాశాలు తలుపు తడుతూనే వుంటాయి
కొన్ని రావడం సంతోషం ఇస్తుంది
కొన్ని రాకపోవడం సంతోషం ఇస్తుంది
కొన్ని వెళ్లకపోవడం సంతోషం ఇస్తుంది
కొన్ని అందలం ఎక్కిస్తాయి
కొన్ని నేల చూపులు చూపిస్తాయి
కొన్ని రావడం దుఃఖం తెస్తుంది
కొన్ని రాకపోవడం దుఃఖం తెస్తుంది
కొన్ని వెళ్లకపోవడం దుఃఖం తెస్తుంది
కొన్ని వైఫల్యాలు దుఃఖం తెస్తుంది
కొన్ని అవమానాలను మిగులుస్తాయి
ఓడి గెలిచినోడి అనుభవాలను తెలుసుకోవాలి
ఓటమిలో నిలబడడం నేర్చుకోవాలి
వైఫల్యాలు వైవిధ్యఆలోచనలకు వేదిక కావాలి
అవి నూతన దశ,దిశలకు శ్రీకారం కావాలి!
కాలిలో ముల్లుగుచ్చుకుంటే నడక ఆగిపోదు,
ముల్లును తీసి జాగూరతతో ముందుకు సాగిపోవాలి,
అదేవిధంగా వైఫల్యాల అనుభవాలను సోపానాలుగా
విజయకేతనాలను ఎగురవేయాలి!
జీవితంలో దారిద్ర్యం అంటే
ధనం లేకపోవడం కాదు
సంపదలు లేకపోవడం కాదు
వైవిధ్య భరిత ఆలోచనలను చేయలేక పోవడం
డబ్బుని అవసరానికి ఖర్చు చేయలేక పోవడం
లోభం కలిగి వుండడం
పరుల సంపదలను ఆశించడం
ప్రభుత్వ ఉచితాలకు ప్రలోభపడడం
వివేకం కలిగి ఉండకపోవడం
విచక్షణ చూపించలేక పోవడం
అహంకారం కంటే ఆప్యాయత
సంపదకన్నా సంస్కారం
గర్వంకన్నా గౌరవం
హోదా కన్నా హుందాతనం
తీసుకోవడం కన్నా ఇవ్వడం
మనసుకు సంతోషం కలిగిస్తుంది అని
గ్రహించినా ఆచరించలేకపోవడం!!!
No comments:
Post a Comment