సర్వోపదేవ ఉపదేశాయ సర్వే వ్యాసపరాశరః..’
ఎదుటివాడికి🗣️ చెప్పమంటే ప్రతివాడూ వేదవ్యాసుడే, ప్రతివాడూ పరాశరుడే… వీరికి లక్ష్యం 🎯 నందుఅమితాసక్తి 🤞 లక్ష్యసాధనలో లేశమాత్రం లేకపోవడం, సిద్ధాంతం నందు వున్న ప్రీతి ఆచరణలో ఏ మాత్రం చూపించకపోవడం వీరి సహజ నైజం.
తమకు తోచిందే ధర్మం, చూస్తున్నదే నిజం, తమకు లాభం కలిగించేదే ధర్మం అనే దృక్పథం కలిగివుంటారు. అంతులేని కోరికలను తీర్చుకోవడానికి వీరు దైవాన్ని ఒక ఉపకరణంగా భావిస్తారు. పనులు సజావుగా జరిగితే తమ ఇష్టదైవానికి పూజలు, అభిషేకాలు, వ్రతాలు చేస్తారు, భూరి కానుకలు కూడా సమర్పిస్తారు, అలా అనుకున్నరీతిలో పనులు జరగకపోతే ఆ దైవాన్ని ఉన్నావా? అసలున్నవా? అని ఆయన ఉనికినే ప్రశ్నిస్తారు , నిందారోపణలు కూడా చేస్తారు.వీరు దేవుడితో కేవలం వ్యాపారధోరణిని, ప్రవృత్తిని కలిగివుంటారు, భక్తి, విశ్వాసం,నమ్మకం లేశమాత్రంగా వుంటుంది. వీరు పైకి వేదాలు వల్లిస్తూ , లోన అసురప్రవృత్తితో రగిలిపోతు వుంటారు.
సమాజంలోని తీరుతెన్నులను తమ అనుకూలధోరణితో ఆలోచిస్తూ ప్రవర్తించే వీరు ఎటుచూసినా, ఏ రంగంలో అయినా కోకొల్లలు. ఇది దుష్కర్మాచరణ, వివేకరహితం, అనైతికం, అజ్ఞానభరితం.ఈ విపరీత ఆలోచనాధోరణి చాపకింద నీరులా అన్నివైపులకూ విస్తరిస్స్తూ, హైందవ సంప్రదాయలను, సంస్కృతిని, ఆచారాలను మానవతావిలువలను అపహాస్యం చేస్తున్నాయి. సామాజికవిలువలను ఆఘాతంలోకీ నెట్టేస్తున్నాయి.
- పరకామణిసేవ ముసుగులో స్వామివారికి సమర్పించిన విలువైన కానుకలను తమ హస్తలాఘవంతో మాయంచేస్తూ, వాటిలో కొంత తిరిగి కానుకలుగా🧧 ఆ దేవునికి లంచం లాంఛనంగా సమర్పించి 🤲 పరమాత్మ అనుగ్రహం కోసం ప్రార్థనలు, పూజలు, ఉపవాస దీక్షలు చేస్తారు. వీరికి ఆ విశ్వంభరుడు క్షమాభిక్ష అనుగ్రహిస్తాడా!?
- నటన, నృత్యం💃,గానం, అభినయనం కళామాతల్లికి సమర్పించే భక్తి పూర్వక నీరాజనాలు, ఐతే కళల పేరుతో కొందరు తమ మేధస్సును మతవైరుష్యాలకు, మతవిద్వేషాలను రెచ్చగొట్టే ఉగ్రాయుధంగా, వంచనానైజంనే కళాప్రవృత్తిగా మానవీయత విలువలను అగ్నికి ఆహుతి 🔥చేస్తూ మతసామరస్యం,శాంతి భద్రతలకు తీవ్ర విఘాతం కలిగిస్తున్నారు.
- ప్రజారోగ్యం పేరుతో ప్రజలను నిలువుదోపిడే అంతిమలక్ష్యంగా కొన్ని ఫార్మా కంపెనీలు హానికలిగించే ఉత్ప్రేరక మందులను, నిషేధిత మందులను, నాసిరకం మందులను,వ్యాధి తెలియని వాటికి 💉వాక్సిన్ల పేరిట ఉత్పత్తి విక్రయాలు అప్రహితంగా కొనసాగిస్తున్నాయి.
- లిక్కరు 🥃అమ్మకాలతో సామాన్యుల ఇళ్లు,వళ్లు గుల్లచేస్తూ, భిక్షగా ప్రజాసంక్షేమపథకాలు అమలు కంటితుడుపు చర్యగా చేసే విష రాజకీయాలు ఈ సమాజాన్ని విశాదసంస్కృతి దిశకి పయనం చేయిస్తుంది.
- డ్రగ్స్ ను విచ్చలవిడిగా విక్రయిస్తూ యువతతో విధ్వంసాన్ని సృష్టిస్తున్న డ్రగ్స్ మాఫియాల మితిమీరిన ఆగడాలు విషసంస్కృతికి సంకేతాలవుతున్నాయి.
- ప్రజాసేవ పేరుతో అలవికాని వాగ్దానాలు చేస్తూ భావి తరాలను అప్పులవుభిలోనికి నెట్టివేస్తూ, ఆర్ధికవ్యవస్థలను చిన్నాభిన్నం చేస్తూ దేశాన్నీ మరో వెనిజులా దిశకు తీసుకు వెళ్తున్న రాజకీయనాయకులు. వీటిని సమర్థవంతంగా ఎదుర్కోవడానికి బలమైన రాజకీయ వ్యవస్థ ఈ దేశానికి ఎంతో అవసరం.
- వైద్యం పేరిట కార్పొరేట్ హాస్పిటళ్లు రోగం తెలియని చికిత్సల పేరుతో నిత్యం అదే పనిగా దగా,వంచనలు,ఘరానమోసాలతో రోగులను బికారూలుగా చేస్తూ వైద్యం సామాన్యులకు అందని ద్రాక్షపండ్లుగా మారిస్తే, నవసమాజం ఏలా నిర్మితం అవుతుంది?
- చర్మ సౌందర్యం పేరుతో మన బలహీనతలను ఆకర్షించే ప్రకటనలతో డబ్బు, టైంను యధేచ్ఛగా దోపిడీ చేస్తున్న మల్టీనేషనల్ కాస్మొటిక్ కంపెనీలు, మన సాంప్రదాయక పద్ధతులను తెరమరుగు చేస్తున్నాయి.
- మాయమాటలనే పెట్టుబడిగా సొమ్ము చేసుకుంటూ జనాల జీవితాలతో, ఆరోగ్యాలతో ఎటుచూసినా చెలగాటలాడే కల్తీదారుల అవినీతి భాగోతాలు జనజీవనాన్ని విషాదం లోనికి నెడుతున్నాయి.
- న్యాయంకోసం లాయర్ల👩💼 సేవలు కొనుక్కునే తెలివితేటలు , డబ్బుకు న్యాయంని అమ్ముకునే తెలివితేటలు లాయర్లు 👩🏻💼అయితే న్యాయవ్యవస్థ అందరు వున్న అనాథగా మిగిలిపోతూవుంది.
- కాదేదీ వంచనకు అనర్హం అంటూ అప్రహితంగా కొనసాగుతున్న ప్రజావ్యవస్థలు సమాజాన్ని నిర్వీర్యం చేస్తున్నాయి.
అన్ని కలగలిపి చేసిన నేరాలకు, అక్రమాలకు,మోసాలకు,తప్పిదాలకు శిక్షల నుండి న్యాయస్థానంలో న్యాయం కొనుక్కునే తెలివితేటలు నీకు ఉండవచ్చు. కానీ,
అంతరంగ న్యాయస్థానంలో ⚖️చిత్రగుప్తుడుగా నీ చిత్తంలోగుప్తంగా నిలిచివున్న ఉపద్రష్ట, ఆత్మసాక్షిల ముందు ఆ కర్మఫలాలను అనుభవించడానికి నీవు సిద్ధంగా వుండాల్సిందే !చేసిన కర్మలు ఎవ్వరిని వదిలిపెట్టవు!
- నిజాన్ని భూమిలో పాతిపెట్టినా అది ఓ రోజు భూమి పొరలను ఛిద్రం చేస్తూ విత్తనం 🌱మొక్కగా ఏలా బయటకు వస్తుందో నీ పాపకర్మఫలాలు కూడా అలాగే నిన్ను దగ్ధం చేయడానికి నీ చుట్టూ, సదా నీ వెంటనే ఉంటాయి. న్యాయం, ధర్మం ☸️,కాలం ఎవ్వరిని ఉపేక్షించవు.
- పుష్పాలలోని 💐లోని సుగంధభరిత పరిమళాలు గాలిలోకలసి సువాసన రూపంలో మన మనసును ఏలా కదిలిస్తాయో, నీవు మట్టిలో మట్టిగా కలిసిపోయినా నీ కర్మఫలాలు వాసన రూపంలో, ప్రారబ్ధకర్మలుగా మరుజన్మకు నీ ఆత్మసాక్షిగా విడదీయలేని రాక్షసబంధాలుగా దృఢంగా పెనవేసుకపోతుంటాయి.
- కర్మక్షయం, వాసనక్షయం జరిగే వరకు నీవు తిరిగి జన్మలు తీసుకోవాల్సిందే. ఈ కాలచక్రం ☸️సృష్టి ఆరంభం నుంచి తన పయనం ఇలా సాగిస్తూనే ఉంది.
తప్పులు చేయకుండా ఎలా తప్పించుకోవాలి, ఆ పరమాత్మ 🔱అభయహస్తం ఏలా పొందాలి,అనే సద్భావనలే నిన్ను మంచిదారిలో 🛣️నడిపిస్తాయి.
- జీవితంలో సంతోషంగా ఉండాలి అంటే, తోటివారికి సంతోషం కలిగించే పనులు మాత్రమే చేస్తూ వుండాలి! ఎదుటివారీ క్షేమంనే ఆకాంక్షించించడం ఎపుడు మొదలవుతుందో ఆ క్షణం నుంచే నీ ఆలోచనలు సంతోషభరితం అవుతాయి.
- మనకు ఏదైనా కావాలంటే, ముందుగా కష్టాలలో వున్నవారికి స్నేహహస్తం 🤝అందించండి, ఆదరించండి. మనం ఇతరులకు ప్రతిఫలితం ఆశించకుండా ఏవైతే చేస్తామో ఆ సత్కర్మలే సదాచేయూతగా వుంటాయి.
- ఎవరి నుండి ఏమీ ఆశించక, ఆపన్నహస్తం అందించే త్యాగశీలులు సంతోషభరిత జీవిత మాధుర్యాలను అనుభవిస్తూ ఆనందంగా ఉంటారు. పరులసొమ్ము 💰ఆశించని ఈ అపరిగ్రహణ ఆచరణ అప్రమేయుడు, అవ్యయుడు, విశ్వంభరుడు అయిన పరంబ్రహ్మంతో నిత్యసాన్నిహిత్యం, తన్మయత్వం, ముక్తిప్రాసాదము లోనికి ప్రవేశించడానికి ప్రథమ సోపానం అవుతుంది.
- జీవితం ఆసక్తికరంగా, అందంగా గడపడం నేర్చుకున్న వ్యక్తులతో మీ సన్నిహిత్వం పెంపొందించుకోండి. మీరు కూడా అలాంటి వారి లాగే పరివర్తన చెందండి.
- మనందరిలో కొన్నిలోపాలు, మరికొన్ని మంచి లక్షణాలు కలిగివుంటాయి .ఇతరులలోని లోపాలను గుర్తించండి అయితే వాటిని అనుకరించకండి, కానీ వారిలోని మంచి గుణాలను గుర్తించి వాటిని ప్రశంసించండి. మీరు అందరికీ సన్నిహితులవుతారు.
- గుర్తుంచుకోండి తప్పు నీవుచేసిన, నీ వారుచేసిన, ఎదుటివారు చేసిన, నీ శత్రువులు చేసిన, ఎవరుచేసినా తప్పును తప్పుగా చూడకపోవడం, దానిని శిక్షించక క్షమించడం అనేది అతి పెద్ద తప్పుఅవుతుంది. అది క్రమేణా వైరస్ 🦠 గా సమాజాన్ని పట్టి పీడిస్తుంది.
- తనకు ఎప్పుడూ కష్టాలు రాకూడదని కోరుకోవడం మనిషి తత్వం.తనకు వచ్చిన కష్టాలు ఎవరికీ రాకూడదని కోరుకోవడం మానవత్వం.
- కష్టసమయాల్లో కూడా 😅కన్నీళ్లు ఉన్నా, నవ్వుతూ 🤠 మాట్లాడండి. భాదలను మాత్రం పంచుకోకండి, అవి మీకు ఊరట కలిగించిన ఎదుటివారు మిమ్మల్ని దూరంగవుంచే ప్రయత్నం చేస్తారు.
- పూజ 🪔 అంటే పూర్వజన్మల కర్మఫలాలను నశింపచేసేది. అందుకే ప్రతి రోజూ అప్రమేయుడు, అవ్యయుడు అయిన ప్రత్యాగాత్మకు మనసే 🛕 కోవెలగా శ్రద్ధ,నిష్ఠలతో భక్తిపూర్వకంగా 🙏 పూజించండి 🪔 ఆరాధించండి.
- మీ సంతోషాలను, పాపపుణ్య ఫలాలను పరమాత్మకు భక్తిపూర్వకంగా నివేదించండి, వాటినే నైవేద్యంగా హృదయపూర్వకంగా ఆ సర్వేశ్వరుడికి సమర్పించండి. ఇదే మానసిక ప్రశాంతతకు చేరువ చేసే ఆత్మనివేదన. ఇది వాసనక్షయం,కర్మక్షయంలను కూడా దగ్ధం చేసే ప్రతిభావంతశీలిగా విశ్వంభరుడి అనుగ్రహపాత్రుడిని చేస్తుంది.
- ఎవరైతే మానవీయదృక్పథంతో ఇతరులకు కష్టాలు కలిగించే పనులు చేయరాదని నైతికంగా వాటిని ఆచరిస్తూ వుంటారో వారీ జీవితం ఆదర్శవంతం, వారు ఇతరులకు ఆదర్శప్రాయులుగా మార్గదర్శకులవుతారు.
ధర్మాచరణ మార్గంలో 🛣️పయనం మనసుని ప్రశాంతంగా ఉంచుతుంది, జీవితం సంతోషభరిత పయనంగా కొనసాగుతుంది.
అన్నీ బాగానే ఉన్నాయి, బాగానే ఉంటాయి ఎందుకంటే చీకటి రాబోయే వెలుతురుకు సంకేతం.
ఇక్కడ ఏది శాశ్వతం కాదు.
సర్వేజనా సుఖినోభవంతు
మీ
ఆధ్యాత్మిక శ్రేయోభిలాషి
RaNa
9900022729
🧘♀️ 🧘♀️ 🧘♀️ 🧘♀️ 🧘♀️ 🧘♀️ 🧘♀️
No comments:
Post a Comment