ఆధ్యాత్మిక మాలిక 23 జీవన సాధన

జీవన సాధన 

అవ్యక్తంలో జీవన సమరం ఆరంభించి అసంఖ్యాక శుక్రకణాల పోరాటంలో విజేతగా నిలిచిన ఓ శుక్రకణం అండజంతో కూడి మాతృగర్భ ప్రవేశంతో తన ప్రస్థానం మొదలవుతుంది,  తిరిగి అవ్యక్తంలోనికి చేరుకోవడంతో ఈ జీవన సమరంతో కూడిన మహాప్రస్థానం🪦 ముగుస్తుంది. 

ఈ జీవన సమరమే జీవితం, అది జీవించడానికే.. జీవించడమే నిజానికి జీవన సాధన! 

మనం భగవంతుడి పట్ల ఎరుకతో అంకితభావంతో చేస్తే అదే అద్భుతమైనసాధన అవుతుంది,

మట్టిలో నాటిన విత్తనం మూడోరోజుకి 🌱మొలకెత్తుతుంది, అదే, కాలక్రమంలో అనేక క్లిష్టపరిస్థితుల్లని అధిగమిస్తూ చెట్టుగా 🌴ఎదిగి పూలు 💐 , పండ్లు 🥭, నీడనిస్తుంది, సేద తీరుస్తుంది, 🕊️పక్షులకుఅవాసమవుతుంది, లోకానికి పలురకాలుగా ఉపయోగపడుతుంది.

ప్రతిఫలం ఆశించకుండా  🌊 నీరు 🌅ఉష్ణతాపంతో ఆవిరిగా పరివర్తనచెంది కారుమబ్బులుగా 🌧️ సుదూర దూరాలు పయనం సాగించి వర్షించి పుడమి తల్లిని పులకరింపచేస్తు, బీటలువారిన భూములను పంటభూములుగా మారుస్తూ , 🏞️నది జలాలుగా,  సాగునీరుగా, 🚰త్రాగునీరుగా దప్పికలను తీరుస్తూ,చల్లటిగాలిగా స్వేచ్చగా వీస్తూ ప్రాణికోటి సేద తీరుస్తుంది.

ప్రకృతిలో ప్రతి చర్య ఎంతో సహజంగా, పరోపకారమే లక్ష్యంగా కొనసాగుతుంది.

మన జీవితమూ కూడా అలానే సాగిపోవాలి. అడుగడుగునా నడవడిక, ప్రవర్తనలలో మానవత్వం వెల్లివిరాయాలి.

ఒక జ్యోతి🪔 మరొక జ్యోతిని వెలిగించినట్లు,  మనిషి దయ, కరుణ,జాలి, ప్రేమ పూరిత ఆలోచనలు, భావనలతో పదిమంది జీవితాల్లో వెలుగులు నింపాలి, అలాంటి  జీవితసాధనలోనే ఆధ్యాత్మికత వెల్లివిరుస్తుంది, అది దివ్యత్వాన్ని దర్శనం చేయిస్తుంది, జీవితంలోని రహస్యం, ‘దివ్యత్వం ఏంటి అనేది తెలుసుకోవడమే నిజమైన ఆధ్యాత్మిక సాధన’ అని పరమహంస యోగానంద పేర్కొన్నారు.

మానవ జన్మను భగవంతుడి ప్రసాదంగా భావించినప్పుడు భక్తిగా రెండు చేతులూ పైకెత్తి ఆ దివ్య జీవనాన్ని ఆహ్వానించాలి, అందులోని తాత్వికతను గుర్తించాలి,

సాధారణ మనిషి కూడా సాధనవల్ల అనేక ధార్మిక ప్రయోజనాలు పొందగలడు,

అందుకు:

• అన్ని విషయాల్లోనూ దృఢచిత్తం కలిగి ఉండి , వాస్తవ పరిస్థితులపై తిరుగులేని విజయం సాధించాలి,
• ఏ పని చేస్తున్నాసరే, అంతరంగ చైతన్యాన్ని మేల్కొల్పుతూ ఉండాలి, తన ప్రజ్ఞను వదులుకోకూడదు.
• మాట, ఆలోచన, చర్య ప్రతిదానిలోనూ స్వచ్ఛత, సహనం,మంచితనం ప్రతిబింబించాలి, అప్పుడు, అంతరంగం దివ్యమైన ఆనందమయమైన  అనుభవాలను పోగుచేస్తుంది, ఆ దివ్యానుభవాలే ,అంతర్యామి సన్నిధికి చేర్చే ఆలంబనలవుతాయి. 

అలౌకిక అనుభూతి పొందడానికి తన మనసును గెలుచుకున్న జితేంద్రియుడుగా ఎదగాలి, పరమాత్మ యందు అనన్యచింతన కలిగివుండాలి. ఇందుకు నియమబద్ధమైన జీవితం గడపాలి. తనలోని అన్ని కోరికలను సమర్పణ భావనతో ఆ మాధవుడికి సమర్పించుకోవాలి.

శ్రద్ధ, సహనం, అంకితభావనలతో ఆధ్యాత్మిక ప్రయాణం చేయాలి,

ఇటుక మీద ఇటుక పేర్చినట్లు ఆధ్యాత్మిక సౌధాన్ని నిర్మించుకోవాలి,

ఈ ప్రయాణంలో ఎక్కడా అలసిపో కూడదు. విజయ దరహాసంతో, తాదాత్మ్యంతో ఆధ్యాత్మిక శిఖరాన్ని చేరుకోవాలి, అప్పుడే మనిషి జీవనసాధన ఫలిస్తుంది,

ఆధ్యాత్మిక సాధనలోని రహస్యం... ఆ సచ్చిదానంద రూపమైన దివ్యత్వం మనిషి అనుభవంలోకి వస్తుంది,

అపురూపమైన ఆ అనుభవాన్ని, ఆత్మానుభూతిని, ఆనందానుభూతిని మనిషి మాత్రమే పొందగలడు,

ఇదంతా,ఆధ్యాత్మిక జీవన సాధనవల్లే సాధ్యమవుతుంది.

సర్వేజనా సుఖినోభవంతు.

మీ ఆధ్యాత్మిక సేవలో

RaNa

9900022729

🧘‍♀️🧘‍♀️🧘‍♀️🧘‍♀️🧘‍♀️🧘‍♀️🧘‍♀️🧘‍♀️

#divineguidance #yogameditation 

#yogalifestyle 

#yogainspiration #yogamitra